Yeni Transfer Deniss Romanovs və Qiymətlər

26.07.2010 15:10

Klubumuzun qapısını yeni mövsümdən böyük ehtimalla 32 yaşlı latviyalı Deniss Romanovs qoruyacaq. Əslində 2006-2010 mövsümləri arasında cəmi 8 oyunda iştirak edən və millinin 3-cü qapıçısı olan Romanovsun komandamızda əsas qapıçı olub olmayacağı da sual altındadır. 187 sm boya və 82 kq çəkiyə malik olan qapıçı ən yaxşı mövsümlərini Ventspils klubunda 2000-2005-ci illər arasında keçirmişdir. Lill, Genoa və Valencia kimi tanınmış klublara qarşı oyunlarda komandanın qapısını qorumuşdur. Əldə etdiyimiz məlumata görə Slavia Praga ilə müqaviləsi olan futbolçunu azad transfer etmək Praqa klubunun razılığı olmazsa Xəzər Lənkəran FK 50.000 AVRO transfer haqqı ödəməli olacaq. Amma klubumuz, daha doğrusu Romanovs artıq bunu da həll etmişdir. Əlavə olaraq da Deniss Romanovsun özünə ildə 60.000 AVRO ödəmək lazım gələcək. Azad transfer kağızını əldə edən futbolçu ola bilsin ki, buna görə klubumuzdan maaşının artırılmasını tələb etsin.

Nəzərinizə çatdırırıq ki, Ağasəlim Mircavadovun bəyəndiyi futbolçu hazırki məşqçimiz Rednikə Dinamo Buxarest klubundan çox tanışdır və bu transferin reallaşmasında Rednikin rolu vardır. Digər məlumat da ondan ibarətdir ki, klubumuz Slavia Praqanın hücumçusu ZDENEK SENKERIK-lə də Mircavadov zamanında (2-ci) maraqlanmışdır. 29 yaşlı hücumçu Türkiyənin Malatyasporunda 2006-2007 sezonunda 15 qola imza atmışdır. Son sezonda isə Slaviya heyətində 25 oyun keçirən futbolçu 5 qol vurmuşdur. Avrokuboklarda nisbətən təcrübəlidir, hətta Çempionlar Liqası qrup mərhələsində 2 qol vurmuşdur. Oyunçunu transfer etmək üçün 100.000 Avro ödəmək lazımdır Slavia Praqa klubuna, oyunçu isə illik 80.000 avro ilə kifayətlənəcək. Lakin hazırda Azərbaycan futbolunda demək olar ki, heç bir klub transfer haqqı ödəmir və yalnız azad transfer olunmaq hüququna malik olan futbolçularla müqavilə imzalayırlar. Bunu nəzərə alaraq, bu transfer haqqı ilə ZDENEKin Xəzərli olacağı o qədər də real görünmür.

"Fırtına" Fan Klubu

172 dəfə oxunub        Şərh yaz

Şərhlər (3)