Azərbaycan 0-0 Honduras

03.06.2010 09:56

Avstriyalı hakimlər briqadasının idarə etdiyi oyun gərgin mübarizə şəraitində keçmişdir. Hər iki tərəfin qol şansları olsa da, hücumçular bu imkanlardan yararlana bilməyiblər.
Saşa Yunusoğlu 73-cü dəqiqədə qırmızı vərəqə alaraq oyunu tərk etməsinə baxmayaraq, futbolçularımız mübarizə əzmini axıradək qoruyub saxlayıb və oyunu sülhlə başa vurublar: 0-0.

Onu da qeyd etmək lazımdır ki, Honduras milli komandası Cənubi Afrika Respublikasında keçiriləcək dünya çempionatına vəsiqə qazanıb və mundialda çıxış edəcək bu komanda ilə heç-heçə etmək futbolçularımızın böyük uğurudur.

Xatırladaq ki, mayın 24-dən iyunun 3-dək Avstriyada təlim-məşq toplanışı keçirən milli komandamız üç ölkənin futbol komandası ilə gücünü sınayıb. Mayın 26-da Moldova yığması ilə heç-heçə (1:1) etdikdən sonra, mayın 29-da Makedoniya yığmasına uduzan (1:3) millimiz, sonuncu görüşdə inamlı mübarizə aparıb.

171 dəfə oxunub        Şərh yaz