"Xəzər Lənkəran" Azərbaycan Futboluna nə bəxş etdi?

17.08.2009 13:01

Yaxın keçmişə (müstəqillik illərindən bu günə qədər nəzərdə tutulur) nəzər salsaq şahid olcağıq ki, Azərbaycan futbolu haqqında kimə sual ünvanlasaq hər kəs eyni cavabı verər: "Azərbaycan da futbol var ki?" Bu cavabla müəyyən mənada razılaşıram. Çünki futbol üzrə yığma komandamız bu illər ərzində dünya və avropa çempionatlarına nəinki vəsiqə qazanıb, heç seçmə mərhələlərində belə xal toplaya bilməyib. Həmişə sonuncu yerləri bölüşmüşük. Digər tərəfdən Azərbaycanda futbol çempionatında 1997-ci ildən 2003-cü ilə qədər baş vermiş fasilə bu cavaba haqq qazandırır. Təbii ki, müəyyən mənada, əgər Azərbaycan da futbol yoxdursa biz hamımız günahkarıq. Əgər Azərbaycan futboluna kifayət qədər pullar ayrılırsa, əgər Azərbaycan futbolçularının ehtiyacları ödənilirsə, əgər Azərbaycan futbolçusu ən dəbdə olan maşınla təmin olunursa, deməli, futbol inkişaf etməlidir.

Bəs biz azarkeş olaraq niyə günhkarıq? Çünki azarkeşi 12-ci futbolçu adlandırmaqla onu futbolçu ilə eyni hüquqda tuturlar. Bu da bir daha sübut edir ki, azarkeşin futbolda möqeyi çox güclüdür. Yəqin hər kəs Çempionlar Liqasının final mərhələsində Milan - Liverpul oyununu xatırlayır. 3-0 hesabıyla məğlub olan Liverpul klubunun fanatları özlərinəməxsus şəkildə əl çalıb dəstək göstərərək komandalarıni ruhlandırdılar. Təbii ki, qazanılmış tarixi qələbədə böyük rol oynadılar. Fanat öz komandasıyla nəfəs aldığı kimi, komandası da onunla öyünür. Məhz elə ona görə də Futbol komandasına ən böyük cəza azarkeşsiz keçirilən oyundur.

"Xəzər Lənkəran"ın Azərbaycan futbolunda ən böyük əməyi isə sadiq azarkeş ordusunu fubola gətirməsidir. "Xəzər Lənkəran" Azərbaycan futboluna klubu ilə nəfəs alan fanat gətirdi. "Xəzər Lənkəran" Azərbaycan futboluna çılğın azarkeş simasını bəxş etdi. Sanki "kifayətdir dünya futbolunu izlədiniz, indi isə Azərbaycan klublarına nəzər yetirmək zamanıdır" əmrini verdi. Artıq hər kəs "Xəzər Lənkəran" deyəndə arxasında minlərlə və günü gündən sayı artan azarkeşləri görürdü. Artıq hər kəs "Xəzər Lənkəran" deyəndə arxasında böyük bir fanat ordusundan bəhs edirdi. Ən əsası isə "Xəzər Lənkəran" Azərbaycan futboluna fırtınalar qopara biləcək fırtınalı azərkeşlər gətirdi. "Xəzər Lənkəran" futbolumuza rəqabat gətirdi. "Xəzər Lənkəran" 1 il ərzində formalaşan heyətlə çempionluğa iddia etmək prinsipinin əsasını qoydu. Hələ harasıdır bizi daha böyük uğurlar gözləyir. "Xəzər Lənkəran" Azərbaycan adını dünya futbolunda sübut edəcək. Bax biz o günü gözləyirik.

"Xəzər Lənkəran" bizim nəfəsimizdir. Allah nəfəsimizi qorusun!

Daha Böyük Zəfərlərə...

G.T. Lənkəranlı

658 dəfə oxunub        Şərh yaz