Kamran Ağayev 23-ə bizimlə...

09.02.2009 15:51

Azərbaycanın bir nömrəli əlcək sahibi Kamran Ağayevin bugün doğum günüdür. O, “Xəzər – Lənkəran” FK-nun heyətində iki il yarımdır ki, çıxış edir. Ağayevin klubumuzda çıxış etdiyi mövsümlərə statistik göstəricilərlə nəzər yetirək: Kamranı komandamıza klubumuzun sabiq baş məşqçisi Ağsəlim Mircavadov 2006-2007 mövsümündə transfer etdi. Kamranın qısa müddət ərzində klubda öz yerini tutmasını qeyd etmək lazımdır. Tez bir zamanda məşqçinin etimadını qazanıb meydana çıxmağı buna bariz nümunədir. 2006-2007 mövsümündə “Xəzər-Lənkəran” FK-nun qazandığı çempionluq və kubok yarışlarında Kamran Ağayevin də əvəzsiz rolu olmuşdur. 2006-2007 mövsümündə Çempionat matçlarında 14 oyuna 7 qol, Kubok yarışlarında isə 8 oyuna 2 qol qapısında görmüşdür. Həmin il “Çempionlar Liqası”-nın ilkin təsnifat mərhələsində Xorvatiya çempionu olan “Dinamo Zaqreb” klubuna qarşı matçda, klubumuzun heyətində meydana çıxan qolkiper 2 oyuna 4 qol qapısından çıxarmağa məcbur olmuşdur 2007-2008 mövsümündə isə Kamran klubun heyətində 17 oyuna 12 qol, Kubok yarışlarında isə 3 oyuna 1 qol görmüşdür. Hal-hazırda davam edən 2008/2009 mövsümündə PL –da 6 matça 6 qol və Ölkə Kubokunda isə 2 matç keçirmişdir. Rusiyanın şimal paytaxtı - əsrarəngiz Sankt-Peterburq şəhərində düzənlənən “MDB və Baltikyanı ölkələrin çempionlarının Birlik Kuboku” turnirində ¼ Finalda Moldovanın “Şerif” komandasıyla görüşdə matçın sonuna əlavə edilən 4-cü dəqiqədə ilk dəfə bu turnirdə meydana çıxır və penaltilərdə komandamıza xeyir verir(penaltilerde 5-3 qalib geldik hemin matçı, şəxsi göstəricilərdə penaltiler nəzərə alınmayıb– H.V). Beləliklə Birlik Kubokunda Kamran 3 matça 4 qol qapısında görür. Ümumiyyətlə qolkiper “Xəzər – Lənkəran” FK-nun heyətində 55 matç keçirmiş və bu oyunlarda 36 qol qapısında görmüşdür. 22 yaşlı əlcək sahibi klubumuzun heyətində 1 dəfə Azərbaycan çempionu, 2 dəfə Ölkə Kubokuna və 27/01/2008-ci il tarixində Birlik Kubokuna layiq görülüb. Bütün Xəzərsevərlər adından Kamran Ağayevi təbrik edir və gələcək karyerasında ona uğurlar diləyirik. Xəzərimizlə yeni - yeni uğurlara birgə addımlayasan! Sonda onuda qeyd edək ki, bugün qolkiper 22 yaşını yığmanın tərkibində tamamlayır. Veravullu@gmail.com

Hafiz Veravullu

1739 dəfə oxunub        Şərh yaz

Şərhlər (3)